ကျွန်တော်အလယ်တန်းတုန်းက ကျောင်းမှာ အတန်းလိုက် ရူပဗေဒအသိပညာပြိုင်ပွဲတစ်ခု ကျင်းပခဲ့တယ်။ အမှတ်တွေမြင့်အောင်၊ အဆင့်တွေရအောင် ဆရာမက ပြိုင်ပွဲရဲ့အရေးပါတဲ့အချက်တွေ ကျွန်တော်တို့ကို ပြောပြနေခဲ့တယ်။ အဲဒီနောက် ဆရာမက အတန်းနောက်ဆုံးမှာထိုင်နေတဲ့ ရူပဗေဒဘာသာမှာ အဆင့်အနိမ့်ဆုံးရ ကျောင်းသားဆီသွားပြီး "ဒီတစ်ခေါက် ရူပဗေဒအသိပညာပြိုင်ပွဲမှာ အဆင့်ချိတ်ဖို့ မင်းကို အားကိုးရလိမ့်မယ်" လို့ ခေါင်းကိုပွတ်သပ်ပြီး ပြောလိုက်ပါတယ်။
ဆရာမစကားကို တစ်တန်းလုံးက နားမလည်ခဲ့ကြဘူး။ ဒါကို ဆရာမက ဖြေးဖြေးညင်သာနဲ့ ရှင်းပြပါတယ်။
"ဒီအတန်းထဲက အတန်းသားအားလုံးကို ဝိုင်းဖွဲ့စုစည်းလိုက်ရင် သစ်သားစည်ကြီးတစ်ခုနဲ့ တူနေပါတယ်။ အတန်းထဲက ကျောင်းသားတစ်ယောက်တိုင်းဟာ စည်ပတ်လည်က သစ်သားချပ်လေးတစ်ချပ်ဖြစ်တယ်။ ဒီစည်ကြီးထဲ ရေဘယ်လောက်ထည့်နိုင်မယ်၊ မထည့်နိုင်ဘူးဆိုတာ အရှည်ဆုံးသစ်သားချပ်ပေါ် မူတည်တာမဟုတ်ပါဘူး။ အတိုဆုံးသစ်သားချပ်ပေါ်မှာပဲ မူတည်တာပါ"
နောက်ဆုံးပြိုင်ပွဲမှာ ကျွန်တော်တို့အတန်းက ပထမရခဲ့သလို အဲဒီကျောင်းသားကလည်း တိုးတက်မှုရှိခဲ့ပါတယ်။
(တကယ်တော့.... အဖွဲ့တစ်ဖွဲ့ ထူးချွန်မှုရှိမရှိ၊ စည်းလုံးမှုရှိမရှိဆိုတာကို အညံ့ဆုံးအဖွဲ့ဝင်က အဆုံးအဖြတ်ပေးပါတယ်)
(၂)
အပြောကျယ်တဲ့ သဲကန္တာရတစ်နေရာမှာ သူဌေးသားတစ်ဦးနဲ့ ဆင်းရဲသားတစ်ဦး ဦးတည်ရာပျောက်ပြီး တဝဲလည်လည်ဖြစ်နေခဲ့ကြတယ်။
သူဌေးသားက "လူတွေ ငါ့ကိုလာကယ်လိမ့်မယ်။ ငါတို့အိမ်က ချမ်းသာတယ်။ ငါ့အဖေက ဟယ်ရီကော်ပတာငှားပြီး ငါ့ကိုအရှာခိုင်းလိမ့်မယ်။ ငါ့ကိုရှာတွေ့တဲ့လူ ဆုတွေအများကြီးရမှာ သေချာတယ်"ဆိုပြီး နေရာမှာတင်ရပ်ပြီး လူတွေလာရှာတာကို စောင့်နေခဲ့တယ်။
ဆင်းရဲသားက ဘာမှမပြောဘဲ ရှေ့ဆက်လျှောက်နိုင်သမျှ လျှောက်တယ်။ ကုလားအုတ်တွေရဲ့ ခြေရာတွေကို ကြိုးစားရှာရင် ရေရှိရာနေရာကို သူရှာတွေ့ခဲ့တယ်။ နေကိုမော့ကြည့်ပြီး အရပ်လေးမျက်နှာခွဲလို့ သူရှေ့ဆက်လျှောက်ခဲ့တယ်။
ရက်အတန်ငယ်အကြာမှာ ဆင်းရဲသားက သဲကန္တာရကနေ လွတ်မြောက်ခဲ့တယ်။ ဟယ်ရီကော်ပတာတွေ သူဌေးသားကိုရှာတွေ့ချိန်မှာ သူဟာသေဆုံးနေပြီးဖြစ်တယ်။
(တကယ်တော့... ငွေကြေးက နေရာတိုင်းမှာ အရေးပါနိုင်တာမဟုတ်ပါဘူး။ အသိဉာဏ်နဲ့လှုပ်ရှားမှုလည်း လိုအပ်ပါသေးတယ်)
(၃)
မိုးပျံပူဖောင်းတစ်လုံးဟာ ကောင်းကင်အမြင့်ထက်ကို ပျံတက်သွားတယ်။ တိမ်ဖြူဘေးကိုရောက်တော့ တိမ်ဖြူက "အမြင့်ကို ဆက်မပျံနဲ့တော့ အန္တရာယ်ရှိတယ်"လို့ သတိပေးတယ်။ ဒါကို မိုးပျံပူဖောင်းက မာနကြီးကြီးနဲ့ သူအမြင့်ပျံနိုင်တာကို တိမ်ဖြူမနာလိုလို့ ထင်ပြီး အမြင့်ပေါ်ဆက်ပျံသွားတယ်။ လေထုတွေ တဖြေးဖြေးနည်းလာတယ်။ လေထုဖိအားအပြောင်းအလဲကြောင့် မိုးပျံပူဖောင်းဟာ "ဖောင်း"ခနဲ ကွဲထွက်သွားတော့တယ်။
(တကယ်တော့.... တတ်နိုင်သလောက်ပဲ သင့်တင့်မျှတလုပ်တာက အကောင်းဆုံးဖြစ်တယ်)
(၄)
မြို့နယ်အဆင့် သချာင်္ပြိုင်ပွဲကိုဝင်ပြိုင်ဖို့ ဒုတိယတန်းကျောင်းသားလေးတွေထဲက ကျောင်းကိုယ်စားပြု ကျောင်းသားတစ်ဦးကို ဆရာ/ဆရာမတွေက ရွေးချယ်နေကြတယ်။ နောက်ဆုံးမှာ မောင်မောင်နဲ့ အောင်အောင်လို့ခေါ်တဲ့ ကျောင်းသားနှစ်ဦးဟာ အဆင့်တူ၊ အမှတ်တူနေတာကို တွေ့လိုက်ရတယ်။ ဒါပေမဲ့ တစ်ကျောင်းမှာ တစ်ယောက်ပဲဝင်ပြိုင်ရမှာဆိုတော့ ဆရာ/ဆရာမတွေက မေးခွန်းတစ်ခုထုတ်လိုက်တယ်။ မေးခွန်းက တြိဂံတစ်ခုရဲ့ထောင့်သုံးခုအဖြေကို အချိန်အတိုဆုံးအတွင်းမှာ ဖြေဆိုဖို့ဖြစ်တယ်။
မောင်မောင်က တြိဂံရဲ့ထောင့်တစ်ခုစီကို တိတိကျကျတိုင်းတာတယ်။ အောင်အောင်က တြိဂံရဲ့အနားတွေကို တိုင်းတာတယ်။
မောင်မောင်ရော ၊ အောင်အောင်ရော ထောင့်တထောင့်စီဟာ ၆ဝံဆိုတဲ့အဖြေကို မြန်မြန်ဆန်ဆန်ရခဲ့ပါတယ်။ ဒါပေမဲ့ အောင်အောင်က ဆရာမကို "တြိဂံကိုကြည့်လိုက်တာနဲ့ သုံးနားညီတြိဂံဖြစ်မယ်လို့ ကျွန်တော်ထင်လိုက်တယ်။ သေချာအောင် အနားတွေကို ကျွန်တော်တိုင်းလိုက်တယ်။ ကျွန်တော်ထင်ထားသလိုပါပဲ... နောက်တော့ အနားညီတြိဂံရဲ့နိယာမနဲ့အညီ ထောင့်တစ်ခုစီဟာ ၆ဝံဖြစ်တယ်ဆိုတာကို ရလိုက်တယ်"လို့ ပြောပြပါတယ်။
နောက်ဆုံးမှာ ဆရာမတွေက အောင်အောင်ကို မြို့နယ်သချာင်္ပြိုင်ပွဲဝင်ပြိုင်ဖို့ ရွေးလိုက်ပါတယ်။ အကြောင်းက အောင်အောင်ဟာ တတိယတန်းဖြေရှင်းနည်းကို သုံးတတ်ခဲ့လို့ဖြစ်တယ်။
(တကယ်တော့.... ယှဉ်ပြိုင်မှုတွေထဲမှာ အသိဉာဏ်၊ အမြင်ကို ဦးဆောင်နိုင်ခဲ့ရင် ကိုယ့်ပြိုင်ဖက်ကို ပိုအလဲဖြိုနိုင်မှာဖြစ်တယ်)
(၅)
ဦးစိမ်းနဲ့ဦးလွန်းတို့က ကုမ္ပဏီတစ်ခုရဲ့ လက်ထောက်မန်နေဂျာတွေဖြစ်တယ်။ ကုမ္ပဏီက အထပ်ငါးထပ်မှာရှိတာမို့ ဦးစိမ်းက အမြဲတမ်း ဓာတ်လှေကားစီးတယ်။ ဘယ်တော့မှ လှေကားဖက်ကနေ လမ်းလျှောက်မတက်ဘူး။ ဦးလွန်းက ဓာတ်လှေကား အစီးနည်းတယ်။ အမြဲတမ်းလှေကားတွေပဲ အသုံးပြုတယ်။
နှစ်အတန်ကြာတော့ ကုမ္ပဏီက ဦးလွန်းကို မန်နေဂျာရာထူးခံအပ်ဖို့ ဆုံးဖြတ်လိုက်တယ်။ ဒါကို ဦးစိမ်းက မကျေနပ်ဘူး။ အကြီးအကဲ ရုံးခန်းနားသွားပြီး ဖြေရှင်းချက်တောင်းတယ်။
အကြီးအကဲက ဖြေဖြေချင်းရှင်းပြပါတယ်။
"ဦးလွန်းက နေ့တိုင်း လှေကားကနေတက်ဆင်းတယ်။ အထပ်တိုင်းမှာရှိတဲ့ ဝန်ထမ်းတွေနဲ့ ခေါ်ပြောနှုတ်ဆက်တယ်။ သန့်ရှင်းရေးလုပ်တဲ့ အဒေါ်ကြီးပါမကျန် အလုပ်အကြောင်း၊ မိသားစုအကြောင်း ဆွေးနွေးတယ်။ ကုမ္ပဏီရဲ့ လည်ပတ်မှုတိုင်းကို သူသိတယ်။ ဝန်ထမ်းတစ်ဦးချင်းစီရဲ့ အကြိုက်တွေကို သူနားလည်တယ်"
(တကယ်တော့.... လူလုပ်တယ်ဆိုတာ အမြင့်ဆုံးမှာပဲနေဖို့ မဟုတ်ပါဘူး။ ကြိုးကြိုးကုတ်ကုတ်၊ ဖော်ဖော်ရွေရွေနဲ့ နေရာ(ရာထူး၊ ဂုဏ်)ကိုလည်း လက်လွတ်တတ်ဖို့ ပိုလိုအပ်ခဲ့ပါတယ်)
(၆)
ကိုစိုင်းဟာ ငယ်ငယ်လေးကတည်းက အားကစားသမားတစ်ဦးဖြစ်ချင်ခဲ့သူပါ။ ဒါပေမဲ့ ဟန်ချက်ကို သူရှာမတွေ့ခဲ့ဘူး။ သူ့ရဲ့ခန္ဓာကိုယ်ဟန်ချက်က အရမ်းညံ့ခဲ့တယ်။ ဒါကြောင့် ခန္ဓာကိုယ်ဟန်ချက်ညီအောင်ဆိုပြီး ကျောင်းဆင်းအိမ်ပြန်တိုင်း ရထားသံလမ်းတစ်လျှောက် သူလမ်းလျှောက်ပြန်ခဲ့တယ်။ အထက်တန်းအောင်တဲ့အထိ တိုးတက်မှုမရှိပေမယ့် အားကစားတစ်ဦးဖြစ်ချင်တဲ့ အိပ်မက်ကိုတော့ သူလက်မလွတ်ခဲ့ဘူး။
ကျောင်းပြီးတဲ့နောက် ကိုယ့်နေရပ်ကိုပြန်ပြီး သံထည်အနုပညာဆိုင်တစ်ဆိုင် သူဖွင့်ခဲ့တယ်။ ဟိုးအရင် သံလမ်းပေါ်မှာလမ်းလျှောက်ခဲ့တုန်းက သံထည်တွေရဲ့ပုံစံမျိုးစုံကို သူသတိရပြီး သံထည်နဲ့ အနုပညာပုံအမျိုးမျိုး သူပြုလုပ်ခဲ့တယ်။ သူ့ရဲ့သံထည်ပစ္စည်းတွေ ရောင်းအားတက်ပြီး နောက်ဆုံးမှာ နာမည်ရှိတဲ့ သံထည်အနုပညာတစ်ယောက်ဖြစ်ခဲ့တယ်။
(တကယ်တော့.... ငယ်အိပ့်မက်တွေက အောင်မြင်ချင်မှ အောင်မြင်ပါလိမ့်မယ်။ ဒါပေမဲ့ အောင်မြင်မှုက သင်ကြီးပြင်းရာလမ်းတလျှောက်မှာ ရှိနေပါတယ်)
(၇)
နာမည်ကြီးစန္ဒယားဆရာတစ်ဦးက တပည့်ရွေးမယ်ဆိုလို့ ကျောင်းပေါက်ဝမှာ တပည့်ခံဖို့ လာလျှောက်ကြတဲ့ ကျောင်းသားတွေနဲ့ ပြည့်ကြပ်နေတယ်။ စလျှောက်ချိန်မရောက်ခင် ငါးမိနစ်အလိုမှာ မတော်တဆမှုတစ်ခု ဖြစ်ခဲ့တယ်။ လမ်းမပေါ်မှာ အဘွားအိုတစ်ဦးမေ့လဲသွားတာပါ။ အဲဒီအချိန်မှာပဲ ကားတစ်စီးရောက်လာပြီး ကားထဲကနေ လူလတ်ပိုင်းတစ်ဦး ဆင်းလာပါတယ်။ အဲဒီလူဟာ အဘွားအိုကို ဆေးရုံပို့ဖို့ ထူလိုက်ရင်းက ကျောင်းပေါက်ဝဖက်လှည့်ပြီး "အဘွားအိုကို ဆေးရုံပို့ဖို့ တစ်ယောက်ယောက်လာကူပါဦး" လို့ အော်လိုက်တယ်။
ကျောင်းသားတွေက တစ်ယောက်မျက်နှာ တစ်ယောက်ကြည့်ပြီး ဘယ်သူမှ နေရာက မခွာချင်ခဲ့ကြဘူး။ စလျှောက်ချိန်လည်း နီးလာလို့ဖြစ်တယ်။ အဲဒီအချိန်မှာ ကျော်ကျော်ရောက်လာပြီး "ကျွန်တော်ကူမယ်"လို့ ဆိုပါတယ်။
နောက်ဆုံးတော့ ကျော်ကျော် အရွေးခံလိုက်ရပါတယ်။ အဲဒီ ကားမောင်းလာတဲ့လူဟာ တပည့်ရွေးဖို့လာတဲ့ နာမည်ကြီးစန္ဒယားဆရာဖြစ်လို့ပဲဖြစ်တယ်။
(တကယ်တော့.......... အောင်မြင်ဖို့ရာ ချစ်ခြင်းမေတ္တာလည်းလိုအပ်ပါတယ်)
(၈)
လက်ထောက်မန်နေဂျာတစ်ဦး နိုင်ငံခြားကုမ္ပဏီတစ်ခုနဲ့ (၈ဝဝ)တန်လက်ကိုင်ဖုန်းကို အလုံး(၅ဝဝ)ဝယ်ဖို့ သွားရောက်ဆွေးနွေးခဲ့တယ်။ သဘောတူစာချုပ်မချုပ်ခင် အထက်မန်နေဂျာကို သဘောတူမတူ မက်ဆေ့ပို့ခဲ့တယ်။ အထက်မန်နေဂျာက ဒီဈေးနှုန်းဟာဈေးမြင့်ပြီး တကယ်လို့ ဝယ်ယူရင် ရှုံးနိုင်တယ်ဆိုတာကိုသိတော့ သဘောမတူလို့ မက်ဆေ့ပြန်ပို့လိုက်တယ်။
ဒါပေမဲ့ စာရိုက်ချိန်မှာ သဘောမတူကို သဘောတူလို့မှားရိုက်မိလိုက်တယ်။ နောက်ဆုံးမှာ သဘောတူစာချုပ် ချုပ်ခဲ့မိတဲ့အတွက် ကုမ္ပဏီက အရှုံးနဲ့ရင်ဆိုင်လိုက်ရတယ်။
(တကယ်တော့.... အောင်မြင်ဖို့ရာ အသေးစိတ်ဖို့လည်း လိုပါတယ်)
(၉)
ငယ်ရွယ်တဲ့စိုက်ပျိုးရေးသမားတစ်ဦးဟာ တောင်ဖက်ဒေသမှာ ပန်းသီးပင်တွေပျိုးဖို့ ဆုံးဖြတ်လိုက်တယ်။ သက်ကြီးစိုက်ပျိုးရေးသမားတွေက တောင်ဖက်ဒေသတွေက ရာသီဥတု၊ မြေဆီလွှာတွေဟာ ပန်းသီးစိုက်ဖို့ မသင့်တော်ကြောင်း ဒီစီမံကိန်းကို လက်လွတ်ဖို့တားတယ်။ ဒါပေမဲ့ လူငယ်က သူတို့စကားကို နားမထောင်ခဲ့ဘူး။ သူ့ဆုံးဖြတ်ချက်အတိုင်း ပန်းသီးပင်တွေကို စပျိုးခဲ့တယ်။ နောက်ဆုံးမှာ ပန်းသီးတွေ အသီးသီးလာပါတယ်။ ဒါပေမဲ့ ပန်းသီးတိုင်းက မချိုဘဲဖန်နေတာကို တွေ့ရတယ်။
ဒါကို လူငယ်က စိတ်မပျက်ခဲ့ဘူး။ ပန်းသီးပင်အားလုံးကို သစ်တော်သီးပင်နဲ့ သူကိုင်းဆက်လိုက်တယ်။ နောက်တစ်နှစ်မှာ သူ့ပန်းသီးပင်ကနေ ချိုမြတဲ့ ပန်းသစ်တော်တွေ သီးခဲ့ပြီး အရောင်းသွက်ခဲ့ပါတယ်။
(တကယ်တော့.... အောင်မြင်ဖို့ရာ အခြေအနေလိုအပ်သလို ဆန်းသစ်ထီထွင်တတ်ဖို့လည်း ပိုလိုအပ်ပါတယ်)
No comments:
Post a Comment