အာဖဂန်တွင် ကင်းလှည့်လုပ်ငန်းများအတွက် လူမဲ့လေသင်္ဘောများ © dailymail
အမေရိကန် စစ်တပ်သည် အာဖဂန်နစ္စတန်တွင် ကင်းလှည့်မည့် လုပ်ငန်းများ အတွက် လူလိုက်ပါခြင်း မရှိသော ကြီးမားသည့် လေ သင်္ဘောကြီးများအား အသုံးပြုသွားရန် စီစဉ်နေကြောင်း သိရသည်။
LEMV ဟု အမည်ပေးထားသော ယင်း လေသင်္ဘောကြီးများ တည်ဆောက်မည့် လုပ်ငန်းကို အမေရိကန်က ငွေကြေး အကုန်အကျ ခံမည်ဖြစ်ပြီး ဗြိတိသျှ သုတေသီများက ပူးပေါင်း ဆောင်ရွက်ရန် စီစဉ်ထားသည်။ အဆိုပါ လေသင်္ဘောကြီးများသည် ဝေဟင်မှ ထောက်လှမ်းရေး လုပ်ငန်းများ ပြုလုပ်ကာ မြေပြင် တပ်များသို့ သတင်းအချက် အလက်များ ပေးပို့ သွားနိုင်ရန် အမေရိကန် စစ်တပ်က စီစဉ်ထားသည်။ လူလိုက်ပါခြင်း မရှိသည့် ကင်းထောက် လေယာဉ် UAV များထက် ပျံသန်း နိုင်မည့် အချိန် ပိုမို ကြာမြင့်သော LEMV များသည် တစ်ကြိမ် ပျံတက်လျင် (၂၁) ရက်ကြာ ဝေဟင်တွင် ရှိနေ နိုင်ပြီး အမြန်နှုန်း (၈၀) နော့ဖြင့် အမြင့်ပေ (၂၂၀၀၀) ထိရောက်အောင် ပျံသန်းနိုင်မည်ဟု LEMV စီမံကိန်း တာဝန်ခံ ဒါရိုက်တာ အလန်မက်ဇာဂါက ပြောကြားခဲ့သည်။
မက်ဂါဇာက လေသင်္ဘောများသည် အမေရိကန်စစ်ဖက်အတွက် အလွန်အသုံးဝင်သော ထောက်လှမ်းရေး ကိရိယာများ ဖြစ်လာရန် မျှော်လင့်ကြောင်း ပြောဆိုသွားသည်။ သမားရိုးကျ လေသင်္ဘောများသည် ပုံမှန်ခြေ အနေအထားဖြင့်သာ ပျံသန်း နိုင်သော်လည်း LEMV များသည် ခဲယမ်း မီးကျောက်များ အင်ပြည့် အားပြည့် တပ်ဆင် နိုင်သဖြင့် တိုက်ခိုက်ရေး တာဝန်ကိုပါ ပူးတွဲ ထမ်းဆောင် နိုင်သည့် UAV များကို အပြည့်အ၀ စိန်ခေါ် နိုင်မည်ဖြစ်သည်။ အမေရိကန် စစ်တပ်သည် တန်(၈၀) အလေးချိန်ရှိမည့် အဆိုပါ ယာဉ်ကြီးများတွင် အလွန် အားကောင်းသော ကင်မရာများကို တပ်ဆင် ထားသဖြင့် မြင့်မား လှသည့် နေရာမှပင် ထောက်လှမ်းရေး သတင်းများကို တိတိကျကျ ရယူနိုင်မည်ဟု သိရှိရသည်။
@လူထုအသံ
No comments:
Post a Comment